បន្ទាយមានជ័យ៖ លោក ហ៊ុន ម៉ានី អញ្ជើញសំណេះសំណាលជាមួយគណៈកម្មាធិការឃុំ សង្កាត់ ក្រុង ស្រុក ខេត្ត ក្នុងរចនាសម្ព័ន្ធសហភាពសហព័ន្ធយុវជនកម្ពុជា ខេត្តបន្ទាយមានជ័យ ដោយមានការចូលរួមពីសំណាក់ ឯកឧត្តម ខេង ស៊ុម ប្រធានក្រុមប្រឹក្សាខេត្ត ឯកឧត្តម អ៊ុ រាត្រី អភិបាលនៃគណៈអភិបាលខេត្តបន្ទាយមានជ័យ លោក-លោកស្រី ក្រុមការងារក្រុង-ស្រុក ធ្វើឡើងនៅសាលប្រជុំធំសាលាខេត្ត ថ្ងៃអាទិត្យ ២កើត ខែភទ្របទ ឆ្នាំខាល ចត្វាស័ក ពស.២៥៦៦ ត្រូវនឹងថ្ងៃទី២៨ ខែសីហា ឆ្នាំ២០២២។

នាឱកាសនោះ លោក ហ៊ុន ម៉ានី ក៏បានថ្លែងនូវការកោសរសើរចំពោះមហាគ្រួសារ សហភាពសហព័ន្ធយុវជនកម្ពុជាខេត្តបន្ទាយមានជ័យ ដែលបានរួមសាមគ្គី សហការគ្នាបានយ៉ាងល្អប្រសើរ ក្នុងការចូលរួមកិច្ចការងារសង្គម មនុស្សធម៌ ដោយមិនខ្លាចនឿយហត់ ពិសេសក្នុងដំណាក់ប្រឈមនៃការរីករាលដាលនៃជំងឺកូវីដ-១៩ ក្រុមការងារយុវជនសហភាពសហព័ន្ធយុវជនកម្ពុជាខេត្ត បានចូលរួមយ៉ាងសកម្ម បើទោះបីជាប្រឈម និងការរីករាលដាលនៃជំងឺកូវីដ-១៩ ដោយបានចូលរួមជាមួយក្រុមគ្រូពេទ្យ ចូលរួមចុះចាក់វ៉ាក់សាំងការជំងឺកូវីដ-១៩ ជូនពលរដ្ឋ។ ចំណុចទាំងនេះហើយដែលសបញ្ជាក់ឱ្យឃើញថា មហាគ្រួសារ ស.ស.យ.ក ពិតជាមានឆន្ទៈខ្ពស់ក្នុងកិច្ចការងារសង្គម ជាទំពាំងស្នងឫស្សី ជាសសរទ្រូងសម្រាប់ប្រទេសជាតិ ពោពេញទៅដោយសមត្ថភាព។

លោកបន្តថា៖ «ភាពជោគជ័យរបស់ សហភាពសហព័ន្ធយុវជនកម្ពុជា មកទល់ពេលនេះ គឺដោយសារតែមានការចូលរួមយ៉ាងផុសផុលពីគ្រប់ស្ថាប័នពាក់ព័ន្ធ យល់ពីតម្លៃនៃក្រមការងារយុវជនរបស់ ដោយបានគាំទ្រចូលរួមទាំងកម្លាំងកាយចិត្ត ដើម្បីសង្គមជាតិយើងទាំងមូល»។

ក្នុងនាមថ្នាក់ដឹកនាំក្រុមការងារសហភាពសហព័ន្ធយុវជនកម្ពុជា លោកបានធ្វើការជំរុញណែនាំបន្ថែមទៅដល់សមាជិក-សមាជិកា ត្រូវបន្តខិតខំបន្ថែមចូលរួមកិច្ចការងារសង្គម ទោះបីក្នុងកាលៈ ទេសៈណាក៏ដោយពិសេសក្នុងនាមយើងជាយុវជន ប្រកាន់ភ្ជាប់នូវក្រមសីលធម៌៕